كويت65
اۿـْـْْـْـْـْْـْـْـْْـْـْـْْـْـڵاآآآآآآآ ۉڛـْـْْـْـْـْْـْـْـْْـْـْـْْـْۿـْـْْـْـْـْْـْـْـْْـْـْـْْـْڵاآآآآآآ
ݩـْـْْـْـْـْْـْۉڑٿ اڵـْـْْـْـْـْْـْمـْـْْـْـْـْْـْݩـْـْْـْـْـْْـْٿـْـْْـْـْـْْـْـْـْْـْڈي
آآآآآڑڅـْـْْـْـْـْْـْݕـْـْْـْـْـْْـْۉۉۉۉۉۉ

كويت65

منتديات
 
الرئيسيةالتسجيلhttps://kw65.mam9.com/admin/popup_servimg.forumاليوميةالمجموعاتبحـثس .و .جدخول


شاطر | 
 

 الغاز بدوية جديدة

اذهب الى الأسفل 
كاتب الموضوعرسالة
الادارة

avatar


.

مُساهمةموضوع: الغاز بدوية جديدة   السبت أكتوبر 13, 2018 10:34 pm

انشد العربان واللي فاهمين
عن عيال شكلهم شكل البنات
دايماً بين العذارى جالسين
والعذارى هم كذلك جالسات
هم جماد وشوفهم متحركين
كل واحد له حياة وله ممات
( الاسنان )
بسأل العراف ويش اربع بنات
يتعبن اللي مشا في دينهن
فاجراتٍ لاصيام ولا صلاة
ذا ينزلهن وذاك يشلهن
( بنات ورق البلوت )




أنشدك عن بنتين ما بينهن فرق
قِدْم أمّهن وحده ، ووحده وراها
لاغرّبت وحده تصير اختها شرق
ووجيهن ما يخـتلف محـــتواها
( لوحات السياراة )
أبنْشــــــد اللــي كـلْ لغْـزٍ يهـــمّـه اللي يحـــل اللــغـــز دايـــم تمـــامِ 
ويش الغلام اللي لْصـــدرك تضـمّه ولا مـــقصـــدك تقديــرٍ واحـتـرامِ 
يفــزع لكم كان الخـطـر حــلْ بأمّـه وفِعْل السبب مطلوب يا ابن الكرامِ
( حزام الامان )
يـا ويـش بـنـت دايـمٍ ترفـــع الراس كلٍّ لها من النــاس راســه يوطــيه 
ترفع جميع الروس من خلقة الناس ومن تــرفــعه ربــّـه يميته ويحييه
( الوساه او المخده )


انشدك عن عذراء عيشته راس رجال تاكل وماكولها مانفعها 
رجالها من أحمر الدم ماسال ياعونة الله مايحس بوجعها
( براية القلم )


ويش بنتين على روسهن عدة عيال هن خوات وكل وحدة تشيل عيالها 
وحدة يوصف بها الطيبين من الرجال واختها ما هوب فال النشامى فالها
( اليد اليمنى واليسرى )
ابنشدك عن ورع في بطن امه مسدوس اسود سواد الليل من دون عمه 
اليا ذبحت امه طلع مثل جاسوس واليا طلع علم على ذابح امه
( الصندوق الاسود )
ابنشدك عن عذرى لها عدة عيال وعيالها في بطنها من حديده 
واذا ضربنا راسها تلد بالحال ويطلع ولدها ويمسك الى يصيده
( الدباسة )
اسألك عن بنتاًً ملحفة بالعباية عباتها من جنسهابضع لفات 
اذا كشفت لبوسها لنهاية تذرف على خدك من الدمع عبرات
( البصل )
اسألك عن بنتاًً فوق سن الثمانين يشوفها العاشق بغاية صباها 
خواتها عند البشر بالملايين ولو عمرها ستين محداًً خذاها 
وقت الزفاف ترافق البنت بنتين قدامها وحده ووحده وراها
( السيارة )
انشدك عن عشر خوات مابه مثلهن بالبنات 
فيهن عروس بالجمال تسوى الوف مولفات
( العشر الاواخر )


نشدك عن رجلا يتعب لغيره ياكل ولاهب من اكله مستفيد 
يخدمـك والله اعلــم بتدبيره يمشي بأمــرك وعلى مـاتريد
( المقص )
أنشدك عن عذرا لها الناس خلان اهل الصخى لولاه ويش يعملوني 
لاشافها المشتاق لو كان عمسان راح العمس من حاجرات الجفوني 
غدا لها تاريخ في كل ديوان وضحتها من شــــان ماتبلشوني
( القهوه )
انشدك عن بنتاً الى خشت الساس لـــو مايـبـيـن فعـلـهـا ماتـشـافـي
كم فرقت جيران من جملة النـاس منزالها عن بعض الأنظـار خافـي
( سوسة الاسنان )
بنشدك عن عذراء تضيق خاطر السالي ولابه من يواطنها ولابه مـن يدانيهـا
لها جند يخدمونه تحت شمس وضلالي ولالها وقت محدد مـن أيـام ولياليهـا
( المخالفه )
انشدك عن صياد يبي الصيـد والمنفعـة ان صاد صاد اثنين وان اخطأ صاد اربعه
( صلاة الجمعه )


أنشدك عن رجلٍ رفيع وقـاره رجـلٍ بدونـه مـا تقلـط رْبوعـه
طيّب، وطيبه بس خارج دياره والا بْـداره مــا تبـيـن نفـوعـه
( جواز السفر )


ورع صغيـر وجاب بنت صغيره يا ما بها حلّـت كثير الشكلاّت
البنـت معروفـة في كل ديـره ومصـدّق قولــه بكل الـدّيانـات
( البصمه )
****ويش شـيٍ نشــــا بامـر ربٍّ يشـا
ان جمعتـه حصـا وان تركتـه مشــا
وان طبختـه على النـار يصبـح عشـــا
( البيض )
أنشدك عن رجلاً مايقول الا الصحيح له بنات ثنتين في ظهره سواء
ياللي ترمي في البحر ماهو صحيح وياللي ترمي في الفضاء مالك لواء
( الميزان )
أنشدك عن بنت لها بوجه بنت وان جيت للتاليه تلقاها بقفاهـا
بيها ثلاث وثلاث مميزات للبنت بعدة الوان بكـل بنـت تراهـا
( لوحات السيارات )
ياويش عودً غربلوا به عياله عياله المسكيـن مـا يرحمونـه
امحرولً ماعاد ياقف لحالـه كود انهـم برماحهـم يطعنونـه
( بيت الشعر )
انشدك عن سود حلال اكلهن وامثالهن بيض حرام للبشر
( ليالي رمضان )
وش البنات النايفات المشاريـــــــــف النادرات الحاظنات بسماهــــن
ازواج بسم رجل يلم المواليـــــــــــف لويش كثر جموعهن ماحماهن
من كبرهن عروقهن في ثرى السيف رمزاً قبل جور الزمان يحداهن
راحن مع اللي باع عمره ولاشيــــف عزالله ادرك حاجته من نواهن
( ابراج التجارة بنيويورك )


اسألك عن رجلٍ رماه الطمع حي في يدين من يعطيه من لحم شاته 
رجلٍ حسين الطول والحسن وزي لبس العذارى واحدٍ من صفاتــــــه
( الصقر )
****انشدك عن رجلً صغيرًمقاسه وتسير في بطنه ملايين الانفـــــــار
له دور بارز في مجال السياسه وله في قضايا المجتمع كل الادوار
لوترسله لاكبرجبل شال راســــــه ومع الاسف لوتنفخه بالنسم طـــار
( الشيك )


من شوقك ركب فوقك وحط مبرومه بمخروقك
هز شوي ونزل مي وابتلّت منه اعروقك
( ثدي الام )
بنشدك عن عذرى تجي للرجاجيل يجيبها خمسة وهـي ماعصتهـم
عيالهـا قدامهـا يـا المشاكيـل عيالهـا لاكنـهـا ماحملتـهـم
( القهوه والفناجيل )
****انشدك عن رجل له عيون واذان واذا بغيت نفعه تربط اذانه
الله خلق له روس من دون ميزان سبحانه الخالق مزين مكانه
( البرقع )




انشد عن الرجال والزول زوليــن يركب على الرجال بنتٍ تضـمّـه
يمشي على دربٍ تهابــه سلاطين يمشي على درب الخطــر ما يهمّـه
( الملقاط )
****أنا بنشدك عن سمرا تجيب من الخفايا أخبار تشوف أخبارها في وجههـا لـو ماتكلمهـا
تعلـم بالعلـوم الخافيـه وتبيـن الأسـرار لها فضل كبيـر ماحـد ينكـر مكارمهـا
( أشاعة المستشفى )
****يا ويش بنت عذبوها هل الكيـــف بنت تعذب ياهل العرف بالنـــــــــار
بنت جميلةخشمها يشبه السيـــف والخصر ملهوف على حب الاخيار
الله على من جالس البنت بالريف في مجلس ما بين ربع وخطـــــــار
( الدلة )
أنشدك عن بنتٍ لها عندنا شان لا ضيع القايد تدله طريقه
وتعلمه لا صار ناسي وغلطان وترجعه من طيبها للحققية
( التسبيحه )
انشدك عن رجل يخيفك بطاريه من هيبته كل المخاليق تخشاه 
رجل يعطيك الحق لاصرت تعطيه وكلن يعرفه في علومه وطرياه
( الأختبار )


من يجيني يا عرب بأخبار قوم من عرفناهم على ظهر الذ لول
من عرفناهم وهم في حال نوم صايمينٍ كل أيـــــــــــام الفصول
نايمينٍ ما بهـــــــــم حيٍّ يقوم من قديم ومن قبل عهد الرسول
( الحصى )


❃──❋ ❃──❋❃──❋ االـــتــــــــــــوقـــيـــــــــــعـــــــــــ ❃──❋❃──❋❃──❋
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الغاز بدوية جديدة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كويت65 :: منتدي العام-
انتقل الى: